النهاردة هنتكلم عن قصة نجاح جديدة و شخصية نفتخر بها فى عالم البيزنس و هو "عاصم علام" رجل الأعمال المصرى الذى إمتلك نادى كرة القدم "هال سيتى" الإنجليزى .

تعالو نعرف مين هو "عاصم علام" و إيه قصته وإزاى بنى نفسه وبقى من أهم الشخصيات فى عالم البيزنس فى انجلترا .

اتولد "عاصم علام" فى مصر سنة 1940 و هاجر إلى المملكة المتحدة سنة 1968 نتيجة سوء الأوضاع وقتها .

عاش عاصم علام رجل الأعمال المصرى أيام صعبة وكانت أول حاجة اشتغلها هناك فى انجلترا هى "شيال" ، ثم "لحام"، بعد وصوله بصحبة أسرته إلى إنجلترا، عشان تلبية احتياجاته، بعد ما صادرت أحد البنوك البريطانية أمواله بداعى أنها أموال مزورة .

عاصم علام بيقول إن العمل والإختلاط بالعمال مكنه من تعلم اللغة الإنجليزية بسهولة كبيرة وفى فترة قليلة .

بدأ عاصم بدراسة الإقتصاد فى جامعة "هال" قبل ما يشتغل محاسب فى تيمبست ديزل و كان فى سنة 1981 .

بعدها و فى نفس السنة أخذ "عاصم علام" قرض و إشترى شركة "تيمبست ديزل" اللى كان بيشتغل فيها وأنشأ شركته الخاصة و كانت متخصصة فى إنتاج المولدات الكهربائية و قام بتغيير إسمها إلى "علام مارين" المتخصصة فى إنتاج المولدات الكهربائية و كان مقرها فى هال شمال إنجلترا و بيساعده فى إدارتها نجله إيهاب .

اتنقل "عاصم علام" من نجاح إلى نجاح و أصبح من أشهر رجال الأعمال فى بريطانيا و الذى جعل تقارير صحفية إنجليزية تشير أن ثروته تقدر ب 150 مليون جنيه إسترلينى .

و فى سنة 2010 بدأت قصة "عاصم علام" مع نادى "هال سيتى" و دة كان بإعلان صحيفة "الجارديان" البريطانية عن توصل رجل الأعمال المصرى "عاصم علام" إلى إتفاق نهائى مع المالك السابق للنادى "روسيل بارتليت" على شراء حصته مقابل جنيه إسترلينى واحد فقط عشان ينقذ النادى من الأزمة المالية اللى كان بيعانى منها فى الوقت ده .

كانت فى هذا الوقت الديون المتراكمة على "التايجرز" تراوحت ما بين 21 إلى 35 مليون جنيه إسترلينى و كان ليها تأثير سلبى على نتايج الفريق و كان دايمًا بيحتل مركز متأخر فى جدول تدريب دورى الدرجة الأولى "الشامبيون شيب" المكون من 24 نادى .

فى الوقت ده أصبح رجل الأعمال المصرى "عاصم علام" حديث وسائل الإعلام المحلية و العالمية و نجح فى الصعود إلى الدورى الإنجليزى الممتاز "البريميرليج" للمرة الأولى من 3 سنين، و كان بيضم الفريق وقتها بين صفوفه ثلاثة لاعبيين مصريين و هم أحمد فتحى، و محمد ناجى جدو، و أحمد المحمدى .

كان بيحلم رجل الأعمال المصرى "عاصم علام" إنه يشوف فريقه "هال سيتى" و هو بيخوض منافسات البطولات الأوروبية ليحقق أمنية جماهيره .

نجاح "عاصم علام" كان له أثر ملحوظ فى بريطانيا وده اللى مكنه من إنه يحوز على جائزة أحسن رجل أعمال فى بريطانيا سنة 2006 و أخذها مرة ثانية سنة 2008 و هى الجائزة التى سلمتها له ملكة بريطانيا إليزابيث التانية .

"عاصم علام" مشهور كمان بحبه لأعمال الخير والتبرعات وحب الناس ليه .