رواندا واحدة من الدول الأفريقية االى بتقدم تسهيلات كثيرة جدا للشباب من أصحاب المشروعات الصغيرة والشركات الناشئة؛ جذبًا للاستثمار في البلد الذي يطلق عليه «سنغافورة القارة الأفريقية» لإنها فى 20 سنة قدرت تكون من الدول اللى بيتضرب بيها المثل في التنمية الاقتصادية والسياسية والعلمية، وتحقق معدل تنمية 8% سنويا.

حالياَ بتسعى رواندا لاستكمال مشروع التنمية خصوصا مع وجود أكثر من 70% من مساحة البلد غير مستغلة أو مدعمة بالخدمات؛ تفتح رواندا الأبواب أمام المستثمرين من غير قيود علشان تكون واحدة من الدول الواعدة لأصحاب المشروعات الصغيرة.

طيب ايه يخليك تستثمر فى رواندا؟

1- رواندا من أفضل ثلاث دول في إفريقيا من حيث سهولة بدء مشروع تجاري بعد موريشيوس وجنوب أفريقيا، فعملية تسجيل المشروع التجاري تتم بسرعة.

2- عدد سكانها 12 مليون نسمة مع طبقة ذات دخل متوسط سريعة النمو.

3- عندها ثبات عالي في سعر تحويل العملة باللإضافة لوجود اتفاقيات تجارية مع كثير من البلدان.

4- دولة غير ساحلية لكنها تتوسط 3 دول في شرق افريقيا وتتمتع مناخ معتدل طوال العام.

5- بتسعي الدولة لخلق مناخ جيد للاستثمار لتحقيق خطتها الاقتصادية لعام 2020 من خلال قوانين محفزة للمستثمرين وانشاء مركز " One Stop center "

6- قطاع الخدمات بيمثل 47% من انتاج الناتج المحلي بعد كده قطاع الزراعة وقطاع الصناعة.

7- الاتفاقات التجارية :

عضو في السوق المشترك لدول شرق افريقيا.

اعفاء جمركي للسلع اللي بتصدر لدول الاتحاد الاوروبي وامريكا.

عضو مشترك لمجموعة دول الكوميسا.

توقيع علاقات الاستثمار الثنائية مع امريكا وكوريا الجنوبية والكونغو.

8- الحوافز المالية :

0% علي ضريبة الدخل للشركات اللي هتنقل مقرها الرئيسي لرواندا.

اعفاء ضريبي علي الارباح الرأسمالية.

اعفاء علي ضريبة الدخل لمدة 7 سنوات للشركات في مجال (الطاقة ، الصادرات ، السياحة ، الصحة ، التصنيع وتكنولوجيا المعلومات والاتصالات).

إعادة تحويل رأس المال والأصول الي الخارج.

9- الحوافز الادارية:

تسجيل سريع للأعمال والاستثمار عبر الإنترنت.

المساعدة في الوصول إلى المرافق (الماء والكهرباء).

المساعدة في الحصول على التأشيرات وتصاريح العمل.

تقديم كل الخدمات الورقية اللازمة لانشاء مشروع من خلال " One stop center " زي فكرة خدمة الشباك الواحد عندنا في مصر من هيئة الاستثمار.

10- انخفاض المخاطر

رواندا من الدول الأفريقية اللى بتتمتع بالأمان وانخفاض معدلات الجريمة والفساد وده بيخليها مكان مناسب للاستثمار.

تقريباَ كده اتكلمنا عن مميزات الاستثمار فى رواندا وقريباَ هنتكلم عن باقى فرص الاستثمار فى دول إفريقيا، دلوقتى ده دوركم تشاركونا بأى معلومات تعرفوها عن رواندا.