ساعة أبل تنقذ حياة انسان...

شركة أبل - APPLE من اكبر الشركات اللي بتصرف علي قسم الأبحاث والتطوير وانفقت شركة آبل 7.9 في المائة من إجمالي إيراداتها على البحث والتطوير خلال الربع الثالث 2019. وفقًا لـ CNBC ، وده بيمثل أعلى نسبة منذ عام 2003.

ورغم أن Apple مبيعاتها انخفضت في الربع الثالث بنسبة 12% عن نفس الفترة العام الماضي إلا أنها تتجه لإنفاق أكثر من 16 مليار دولار على البحث والتطوير خلال عام 2019.

طيب ليه أبل بتعمل كده؟

لان شركة أبل من الشركات اللى بتشتغل دايما على تحسين تجربة المستخدم علشان تقدر تميز منتجاتها وخدماتها في السوق عن منتجات المنافسين وعلشان كده شعارهم هو

"هناك بعض أنواع الاستثمارات مكلفة بالطبع ولكن تعتبر استراتيجية هامة بالنسبة لنا وسيكون لها آثار طويلة الأجل"

طيب احنا ليه بنتكلم عن اهتمام شركة أبل بعمليات التطوير؟

النهاردة الصبح انتشر خبر شبيه بقصص أفلام هوليوود وهو ان شخص كبير فى السن اسمه Bob Burdett عمل حادثة! أكيد هتقول وايه المشكلة ما الناس كل يوم بتعمل حوادث بس اللي مش عادي ان اللى انقذت حياته هى ساعة أبل أو APPLE Watch. وده لإن

Apple Watch Series 4

من خصائصها انه لو حصل انخفاض جامد في قياس اجهزة الجسم بتطلق انذار وتعرض تنبيه للاتصال بالطوارئ وده اللي حصل بالظبط مع بوب.

بعد سقوط بوب ابنه وصله رسالة من Apple Watch تعرفه بـسقوط والده من مسافة كبيرة ومع الرسالة موقع والده بالظبط على الخريطة وبعد وصوله اكتشف عدم وجود والده لكنه فى نفس الوقت وصله تحديث من الساعة بيقول إن موقع والده اتغير وموقعه اتحدث على الخرائط وده لان الاسعاف كانت وصلت ونقلت بوب للمستشفى.

تخيل بعد الحادثة دى كام راجل و ست كبار فى السن هيشتروا ساعات أبل في العالم؟!

وده نتيجة اللى بتشتغل عليه أبل من زمان وهو بحوث التطوير اللي تقدر من خلالها تزود نسبة انتماء العملاء لعلامتها التجارية وهو ده السبب الرئيسي لإن العملاء ممكن تبات بالأيام قدام منافذ شركة أبل عند صدور منتج جديد.