هنكمل حوارنا مع مع المهندس عبدالرحمن ولي الدين مدير التنظيم والمبيعات في الشركة المنظمة للمعرض

طب بالنسبة للبراندات و المصانع الكبيرة إيه فرصها في المشاركة؟

البراندات المصرية هيا براندات في مصر لكن في الخارج محدش يعرفها لكن المنتج

المصري بشكل عام بيتمتع بسمعة جيدة في أفريقيا و ديه نقطة إنطلاق جيدة ممكن نبني عليها و

بالنسبة للمصانع الكبيرة و المنتجين في مصر اللي عايزين يفتحوا أسواق تصدير جديدة لازم

يعرفوا إن الصين و تركيا و فرنسا و أسبانيا و انجلترا سابقينا هناك و داخلين في كل شيء في

الإستثمار في أفريقيا من الإبرة إلى مشاريع البنية التحتية العملاقة و فرصهم هتكون واعدة

هناك جداً جداً جداً جداً ولازم أقولهم خصصوا من ميزانية التسويق بتاعتكم جزء خاص لفتح

أسواق جديدة في أفريقيا سواء عن التصدير أو إنكم تفتحوا بأنفسكم هناك و هتلاقوا تسهيلات و

ترحيب منقطع النظير يعني بجد اللي عايز يشوف الدول بتتبني إزاى يبدأ إستثمار في أفريقيا

دلوقتي و دخول أفريقيا من خلال معارضنا هيكون مكسب كبير و عامل مساعد بشكل كبير جداً

لأى مستثمر أو تاجر أو مصنع.

طيب و بالنسبة للشباب والناس اللي مش عايزه تستقر هناك ؟

فرص مشاركتهم في المعارض و تحقيق مكاسب هيا فرص حقيقية والحمدلله إحنا بيطلع معانا

قرابة ال 33 استاند بمختلف مجالاتهم و بيطلعوا باستمرار معانا الحمدلله و ده دليل على نجاحنا.

ايه المجالات اللي مطلوبة هناك؟

كل المجالات اللي بتهم المستهلك النهائي زي :-

1- مواد غذائية (عصائر- زيوت - مركزات - سناكس – مكرونة)

2- سيراميك - رخام - أدوات صحية - دهانات - مستلزمات ديكور - أسمنت

3- أثاث منزلي (صالونات - نوم - أطفال - سفرة - مطابخ) - مراتب - نجف - سجاد - ستائر -

مفروشات

4- أثاث مكتبي (مكاتب - كراسي - وحدات إنتظار - أطقم استقبال - وحدات موظفين)

5- ملابس صيفي (رجالي كلاسيك و كاجوال - نسائي كاجوال و محجبات - أطفال - داخلي

رجالي - داخلي حريمي - البدل - ملابس رياضية - ملابس بحر- عبايات كرداسة.)

6- أجهزة كهربائية (بوتاجاز – غسالات - ثلاجات - سخانات - ديب فريزر - تكييفات -

مراوح - تلفزيونات.)

7- أجهزة منزلية ( أفران - عجان - مضارب - توست - مكنة فشار - قلايات - كل أجهزة

المطبخ.)

8-الجلود (أحزمة - محافظ - شنط - أحذية.)

9-مستحضرات التجميل (مكياج - العطور - الكريمات - مواد التجميل - الزيوت العطرية -

زيوت الشعر - الشامبوهات - الليف - السشوارات - كريمات حبوب الشباب.)

10- أدوات نظافة - بلاستيكات بكل أنواعها و استخدامتها - منظفات - أدوات مطبخ.

11- التحف - الهدايا - أدوات مكتبية و شنط مكتبية - لعب الأطفال - منتجات خان الخليلي -

إكسسوارات نسائية.

12- الذهب - الفضيات.

ليه مش بتنظموا معارض B2B ؟

لأننا مركزين في دول أفريقيا المرحلة ديه والمعارض ال B2B ما أثبتتش نجاح في دول أفريقيا

عدا الدول العملاقة منها و احنا في الحقيقة متخصصين جداً في ال B2C و أغلب اللي بيفتحوا

بيزنس و إستثمار حقيقي في دول أفريقيا سواء كبيرة أو صغيرة أفضل تيرمومتر يقيس بيه هوه

المعارض ال B2C سواء هتفتح فرع ليك في دولة أفريقية أو عشان تحصل على وكيل أو

مستورد بالإضافة إن فيه تجار بتتخصص في بيزنس التجارة والبيع من خلال المعارض.

إيه المجالات اللي تتمنى تشوفها في المعارض معاكم ؟

هو في مجالات معينة تقدر تقول بنتسأل عليها في أفريقيا و ما طلعش معانا حد منها قبل كده

مثل (المستلزمات الطبية - الطاقة الشمسية و حلول الطاقة و الأدوات الكهربائية لمبات و أسلاك

و غيرها.)

هل بتضمن لنا إن احنا نبيع هناك ؟

إسمحلي السؤال غلط بالشكل ده لأن ما فيش حد بيضمن لك إنك تبيع في مصر عشان حد

يضمن لك بره مصر لكن إحنا بندير معرضنا بشكل إحترافي و ناجح و الناس بتطلع معانا في

كل معرض وعندنا عارضين معانا في كل معارضنا من 3 سنوات فاتت فده دليل على نجاحنا

بفضل الله.

إيه الوسائل الدعائية والخدمات اللي تقدمها للعارضين ؟

بنتواصل و بنوجه دعوات للحكومة و الوزراء و القنصليات المعتمدة و بنعمل حملة دعائية

كبيرة من خلال التلفزيون و الراديو وخلافه من وسائل الدعية اللي في الآخر بتجيب زوار

للمعرض إلى جانب توفير أماكن الإقامة بالسعر المناسب و أمور الشحن و التخليص الجمركي

هناك وخلافه.

المعرض اكتمل و لا لسه و ايه المجالات اللي لسه محتاجينها ؟

والله لسه باب التسجيل مفتوح قدام بعض المجالات مثل (السيراميك و الصحي - المراتب -

بعض الأجهزة الكهربائية والمنزلية - أدوات النظافة - الأدوات البلاستيك - مستحضرات

التجميل - ملابس الأطفال - الملابس الداخلية) و أي منتجات بأفكار جديدة و حتى اللي عنده

منتج طالع معانا عارض من نفس مجاله في جيبوتي ممكن يبقى معانا إن شاء الله في المعارض

القادمة.

إنتوا إيه الدول اللي عملتوا فيها معارض قبل كده في أفريقيا ؟

(ليبيريا - سيراليون - غينيا كوناكرى - بورندى - روندا - أثيوبيا - جزر القمر - بوركينا فاسو

و جيبوتي بإذن الله)

ممكن تدينا فكرة عن الأسعار للي حابب يشارك و ايه المصاريف اللي بيصرفها العارض أو المشترك ؟

المصاريف كالتالي:

المعرض مدته 16 يوم.

سعر الاستاند المتر المربع 300$ بحد أدني 12م.

سعر الشحن 200$ للمتر المكعب.

تذكرة الطيران بتعمل حوالي 10 الاف جنيه.

و الليلة في الغرفة الثنائية 50$ و 85$ للغرفة الفردية تقريبا.

و الجمارك حسب المنتج و الدولة طبعا.

الأكل و الشرب اليومي بيكلف الفرد 20$ تقريبا.

هل بقى بعد كل المصاريف ديه أعرف أكسب وإزاى أعرف الأسعار اللي هبيع بيها هناك عشان أقدر أكسب ؟

أيوة طبعا تعرف تكسب و الدليل إن في عارضين كتير مستمرين معانا في كل معرض و الأسعار في أفريقيا بشكل عام غالية لكن لازم تكلفة منتجك تبقى بأقل تكلفة ممكنة سواء كنت مصنع أو صاحب منتج أو تاجر و تبقى جودة البضاعة معقولة يعني المعادلة العامة للبيع في أفريقيا من خلال المعارض بتكون مصروفاتك و بضاعتك اللي شاحنها 60% الى 70% من قيمة سعر البيع المستهدف و احنا بنساعدك في أي معلومة محتاج تعرفها عن منتجك هناك.

إيه حجم الاستثمار اللي المفروض يكون مع العارض عشان يعرف اذا كان المعرض هيفيد البيزنس بتاعه و لا ﻷ؟

الشركات و المصانع وأصحاب المنتجات اللي يقدروا يستثمروا ويسوقوا لمنتجاتهم في الأسواق الخارجية بمبالغ تبدأ من 5000$ إلى 50000$ المعارض الB2C هتكون بيئة مناسبة و نافعة ليهم بشكل كبير.

أنا مبسوط جدا بالحوار ده و أتمنى إن شاء الله كل التوفيق ليكم و لجميع العارضين

ربنا يخليك و الشكر كل الشكر طبعا لأسرة اعمل بيزنس و المهندس محمد الباز على حرصكم

الدائم على مساعدة الناس في الحصول على فرص حقيقية للبيزنس بتاعهم.

سجل بياناتك وهنرد على كل استفساراتك من هنا :

https://goo.gl/GFprwa