5- الذكاء الاجتماعي

من أهم صفات المدير الناجح هو الذكاء الاجتماعي وحسن التقدير، والمقصود هنا هو انك تقدر تتفهم الطلبات المتعلقة بالأذونات والإجازات بصدر رحب، ممكن تلاقي بعض المديرين لديهم سمعة بين الموظفين انهم مابيقبلوش أي طلب إجازة عشان كده تلاقى ان درجة استيعاب وتنفيذ أوامرهم من جانب الموظفين ضعيفة بجانب أن الموظف مبيكونش عنده استعداد انه يضحى بساعات عمل اضافية أو مجهود زيادة عشان الشركة، في حين أن المدير المتفهم طلبات الإجازات و الأذونات ينال درجة عالية من التقدير والاحترام والحب من الموظفين بجانب الروح العالية للموظفين وبيكونوا على استعداد ببذل مجهود إضافي عشان مصلحة الشركة.

موظفة أمريكية تدعى "مادلين باركر" نشرت صورة إيميل تطلب فيه من مديرها اجازة يومين للتركيز على سلامتها الذهنية وتتمنى أن تعود الأسبوع القادم في حالة ذهنية أفضل ليرد عليها مديرها قائلاً "أشكرك على تذكيري وتذكير زملائك بأهمية الإجازات المرضية من أجل الحفاظ على السلامة الذهنية"، وتعجب المدير من أن باقي المؤسسات لا تقدم مثل هذه الإجازات قائلاً في نهاية الايميل "أنت مثل لنا جميعاً لأنك تمكنتي من مواجهة أمراً قد ينظر له البعض على أنه أمر مخزى لكنه يساعدنا جميعاً على العودة للعمل بصورة أفضل".

لازم المدير الناجح يقدر حقوق الموظفين في الإجازات والأذونات لأن ده ممكن يكون أحد نقاط القوة اللي تخليك قائد ومش مجرد مدير، ولكن أفتكر دائماً أن ما زاد عن حده انقلب ضده في الإجازات المتكررة لبعض الموظفين التي تضر بسير العمل من الممكن أن تضر الشركة وإيراداتها لذلك لازم أن يكون في لائحة الإجازات والأذونات تحافظ على حق الشركة.

الخلاصة المدير الناجح هو اللي يقدر يوظف طلبات الموظفين في صالح العمل لأن ده بيخلى الموظفين يشعرون بالامتنان له على سماحه لهم بذلك فينفذون تعليماته بدافع التقدير أكثر من مجرد كونها أوامر.

6- الروح التنظيمية والترتيب

في سنة 2000 حصلت أزمة عالمية لشركات التكنولوجيا والإنترنت سميت "فقاعة الدوت كوم" ودي بتعتبر من أكبر الأزمات الاقتصادية في التاريخ واللي كان لها أثر كبير على اقتصاديات العالم بعد إفلاس وإغلاق عدد كبير من الشركات على مستوى العالم، ولكن في شركات قدرت تعبر الأزمة زي "مايكروسوفت" و "أبل" و"إيباي" و"أمازون" ولكن ايه السر اللي مكن الشركات دي من عبور الأزمة، الإجابة بكل بساطة إنها كانت تمتلك نظام، بالنظام والترتيب أصبح من العوامل الأساسية اللي بتساعد على الشركات على الاستمرار من خلال تحقيق الأرباح.

من صفات المدير الناجح أنه يكون منظم ومرتب وده بيكون ليه دور كبير في سير العمل لأنك بكل بساطة بتقدر تحدد كل المهام اللي المشروع محتاجها وترتب أولوية تنفيذها، وبتقدر كمان تحدد كل المشاكل وتوقيتات علاج كل مشكلة بالإضافة أنه بيخلي المدير متحكم أكتر بكل جوانب العملية الإنتاجية.

ومثلاً لو عندنا مديرين واحد أول ما بيوصل الشغل يبدأ يومه باجتماع مدته غير محددة مع فريق العمل وينفذ شغله بدون ترتيب أو أولويات، وفي آخر اليوم بيسهر لأوقات متأخرة عشان يخلص شغله وفي النهاية بيفضل الأداء ضعيف والإدارة غير راضية عن الأداء، و عندنا مدير تانى نشيط ومنظم محدد 30 دقيقة للاجتماع الصباحي و20 دقيقة لقراءة الإيميلات و 15 دقيقة لمكالماته ويرتب المهام حسب الأهمية والأولوية ومحدد لنفسه وقت معين للراحة ووقت لمتابعة حركة كل الأقسام وبيخلص شغله في ميعاده وفي النهاية بيتقدر على شغله والإدارة راضية عنه وعن أدائه على الرغم من أن مجهود الثاني ممكن يكون أقل من الأول إلا إنه من وجهة نظر الإدارة أكفاء و أدائه أعلى لأنه أتبع مثل بيقول (DO IT SMART NOT HARD )

إذا فالنظام ليه فوائد كثيرة على الشركة منها :

- سرعة الاستجابة لمتغيرات السوق التي تحدث بشكل شبه يومي.

- التوزيع الصحيح للموظفين في المهام التي تناسبهم.

- غياب الازدواجية أو التكرار في أداء العمل.

- يتيح لجميع الموظفين فرصة اكتساب الخبرة لأن بالتنظيم السليم بيكون لكل فرد أكثر من مهمة بيقوم بيها.

- توفير الوقت و المجهود.

وعشان تبقى مدير ناجح ومنظم عليك بالآتي:

1- حاول ديماً تكون الدنيا حواليك مرتبة ومنظمة.

2- استخدم دفتر صغير لتسجيل المهام المطلوبة منك.

3- حاول تنفيذ المهام المتشابهة مع بعض عشان تقدر تستفيد من الوقت بشكل أفضل.

4- سلم كل مهمة للموظف المناسب وده يجنبك تضييع الوقت.

الخلاصة .. كل ما كان المدير منظم في بيئة العمل بيبقى في حالة من الإنجاز والسرعة في الأداء فحاول تنفذ الخطوات السابقة و هتحس بفرق كبير عشان تكون مدير ناجح.